Գլխավոր / Հայաստան / Երևան եկող ուսանողական ավտոբուսները սեպտեմբերից կրկին կաշխատեն անվճար

Երևան եկող ուսանողական ավտոբուսները սեպտեմբերից կրկին կաշխատեն անվճար

Հայաստանի մարզերից բարեգործական նպատակով Երևան եկող ուսանողական ավտոբուսների մուտքը Երևան քաղաք որևէ փոփոխության չի ենթարկվել: Ուսանողական ավտոբուսները մարզերից եկող ուսանողներին նույն երթուղով կհասցնեն բուհեր: Այս մասին տեղեկացնում է Երևանի քաղաքապետարանի հասարակայնության հետ կապերի վարչությունը:

Երևանի քաղաքապետարանի կողմից, մինչ դասաժամերի ավարտը, ավտոբուսների կայանման համար Հրազդան մարզադաշտի հարևանությամբ սահմանվել է հատուկ վայր, որտեղից էլ ավտոբուսները կրկին կշարժվեն դեպի բուհեր և ուսանողներին նույն կարգով կտեղափոխեն մարզեր:

Հիշեցնենք, որ, համաձայն քաղաքապետարանի որոշման, մարզերից Երևան եկող երթուղայինները այլևս չեն մտնում քաղաքի կենտրոնական հատված:

Նման քայլը, ըստ քաղաքապետարանի, կոչված է տրանսպորտային միջոցներից բեռնաթափելու մայրաքաղաքի կենտրոնը:

Tekali Taxi