Բազմազավակ ընտանիքները ՀՀ նախագահին խնդրել են պաշտպանել իրենց իրավունքները

Մի խումբ բազմազավակ ընտանիքներ բաց նամակով դիմել են ՀՀ նախագահ Սերժ Սարգսյանին` խնդրելով պաշտպանել իրենց իրավունքները:

«Ներկայիս կառավարությունը, որը պետք է պաշտպանի և սատար կանգնի իր ազգի գենոֆոնդը պահպանող մի խումբ բազնազավակ մայրերին, որոնք Հայաստանում մի չնչին տոկոս են կազմում և մղվել են հետին պլան, բայց մեր մասին չեն հիշում և չեն էլ պատրաստվում քայլեր ձեռնարկելու մեր իրավունքները պաշտպանելու համար:

Հատկացրել են մի չնչին աղքատության նպաստ, որը (7 500 դրամ մեկ երեխան), մեզ պարգևատրելու փոխարեն աղքատներ ենք համարվում, արհամարված դպրոցում` մանկավարժների, հիվանդանոցում` բժիշկների և առհասարակ հասարակության կողմից և հաճախ լսում ենք արհամարական այս բառերը. «Չէիք կարող պահել` չբերեիք»», - նշում են ծնողները:

Նամակի հեիղնակներն ասում են, որ եթե Հայաստանին հարկավոր չեն նման ընտանիքներ, ապա «տոմսեր գնեք և մեզ ուղարկեք այնտեղ, որտեղ մեր և մեր երեխաների իրավունքները կպաշտպանեն և ում պետք կլինեն զինվոր և խելացի երեխաներ»:

Ծնողները խնդրում ենք Սերժ Սարգսյանին քննարկել հետևյալ պահանջները և պատասխանել իրենց.

1. Ընդունել օրենք բազմազավակ մայրերի իրավունքների վերաբերյալ.
   
   
   
   1. Բազմազավակ մայրերին հատկացնել գրքույկ;
   
   
   2. Պարգևատրել մեդալով և տալ հերոսուհի-մայր կոչում;
   
   
   3. Տրամադրել անվճար բուժօգնություն, վիրահատություն, բժշկական զննում բազմազավակ ընտանիքների բոլոր անդամներին;
   
   
   4. Տրամադրել անվճար ուսուցում մասնավոր դպրոցներում և բուհերում:
   
   
   5. Բարելավել սոցիալական պայմանները.
      
      
      
      1. Զեղջել կամ անվճար դարձնել կոմունալ վարձերը (գազ, ջուր, էլէկտրաէներգիա, և այլն) կամ տրամադրել հավելյալ գումար դրանց վճարման համար:
      
      
      2. Հատկացնել ամենամսյա թոշակ:
      
      
      3. Ապահովել բնակարաններով:
      
      
      4. Տարվա մեկ օրը նշել որպես բազմազավակ մայրերի օր:
      
      
      5. Հարգանք դեպի բազմազավակ մայրերը:
      
      
      
      
   
   
   
   

Նամակի տակ ստորագրել են` Անգին Խաչատրյան` 10 երեխա, Սառա Մկրտչյան` 8 երեխա, Ելենա Գալստյան` 6 երեխա, Հասմիկ Կարապետյան` 9 երեխա, Մարիամ Արմենյան` 10 երեխա, Հասմիկ Հարությունյան` 7 երեխա, Մարատ Պետրոսյան` 7 երեխա, Սամվել Մաթևոսյան` 8 երեխա, Կարինե Մելքոնյան` 12 երեխա, Գյոզալ Թամոյան` 9 երեխա, Արմենուհի Մանուկյան` 11 երեխա, Քրիստինե Բաբայան` 5 երեխա, Տիգրանուհի Տեր- Աբելյան` 4 երեխա: