Կիևում արյունահեղ բախումները շարունակվում են․ զոհերի թիվն աճում է

Կիևում առավոտյան վերսկսվել են բախումները Եվրամայդանի ցուցարարների ու իրավապահների միջև․ կան մեծ թվով վիրավորներ ու զոհեր։

«Ուկրաինսկայա պրավդա»-ի փոխանցմամբ՝ այսօր արդեն գրանցվել է 7 զոհ, որոնք միջին տարիքի տղամարդիկ են։

Ըստ ցուցարարների՝ այս մարդկանց սպանել են ոստիկանության դիպուկահարները, որոնք կրակում են մարդկանց գլուխների ուղղությամբ։

«7 զոհերից 6-ը սպանվել են վզին կրակոցով»,- նշել են նրանք։

Ուկրաինական «5-րդ ալիքի» փոխանցմամբ՝ նոր գրանցված զոհերը 11-ն են։

Հիշեցնենք, որ փետրվարի 18-ին Կիևի Անկախության հրապարակից դեպի Գերագույն ռադայի շենք կազմակերպված խաղաղ երթը կարճ ժամանակում վերածվել է արյունահեղ բախումների իրավապահների ու ցուցարարների միջև։

Ավելի վաղ Ուկրաինայի Առողջապահության նախարարությունը հայտնում էր 28 մահացածների մասին։

Lրագրող Տիմուր Օլևսկին, ով գտնվում է Կիևի կենտրնում, հայտնում է, որ ներկա դրությամբ իրավիճակն այնտեղ շարունակում է լարված մնալ, բախումներն ու կրակոցները փողոցներում շարունակվում են։ Լրագրողի փոխանցմաբ՝ ցուցարարները զրուցում են «Բերկուտի» զինծառայողների ու ոստիկանների հետ՝ փորձելով դադարեցնել բախումները։

Մայդանում ցուցարարների թիվը հասել է 30 հազարի։