Home / Հայաստան / «Միկա-ցեմենտի» աշխատողները գործադուլ են անում․ azatutyun.am

«Միկա-ցեմենտի» աշխատողները գործադուլ են անում․ azatutyun.am

Այսօր առավոտից Հրազդանի «Միկա-ցեմենտ» գործարանի մի խումբ աշխատակիցներ գործադուլ են սկսել՝ պահանջելով վճարել վերջին մի քանի ամիսների աշխատավարձը, գրում է «Ազատություն» ռադիոկայանի կայքը։

Աշխատակիցները հավաքվել են գործարանի մուտքի մոտ և ղեկավարության հետ հանդիպում են պահանջում։

«Ազատություն» ռադիոկայանի հետ զրույցում գործարանի աշխատակիցներն ասել են, որ վերջին անգամ նման գործադուլ հունիսի 16-ին էին արել, ինչից հետո ղեկավարությունը խոստացել էր, որ երեք օր անց իրավիճակում հստակեցում կմտցվի, մինչդեռ ոչինչ էլ չեղավ։

Բանվորները վերջին անգամ աշխատավարձ են ստացել նախորդ տարվա դեկտեմբերին։

«Միկա-ցեմենտը» պատկանում է գործարար Միխայիլ Բաղդասարովին։ Նշենք, որ վերջինս չի վճարում անցյալ տարվա ապրիլին գործունեությունը դադարեցրած «Արմավիա» ընկերության աշխատակիցների մի մասի աշխատավարձերը։