Հայաստանում կտեղադրվի Միխայիլ Կալաշնիկովի արձանը

Գյումրիում տեղակայված ռուսական 102-րդ ռազմակայանում կտեղադրվի լեգենդար զինագործ, գեներալ-լեյտենանտ Միխայիլ Կալաշնիկովի արձանը։ Մինչ այդ՝ հունիսի 22-ին, ռազմակայանում տեղի է ունեցել արձանի հիմնարկեքի հանդիսավոր արարողությունը:

Արձանը ստեղծելու նախաձեռնությունը պատկանում է պետերբուրգցի բարերար, հասարակական գործիչ Հրաչյա Պողոսյանին, ով Հայաստան է ժամանել պետերբուրգցի մի խումբ վետերանների հետ, ովքեր անձամբ ծանոթ էին զինագործ-կոնստրուկտորի հետ։

Արձանը պատրաստված է լինելու քարից, լինելու է 2 մետր 87 սանտիմետր, Կալաշնիկովի ձեռքին՝ աղավնի, կողքին՝ ավտոմատ, հարթակի դիմաց՝ երկրագունդ։

Կալաշնիկովի արձանը ռուսական 102-րդ ռազմակայանում կտեղադրվի մինչև ընթացիկ տարվա հոկտեմբերի վերջը։