Գլխավոր / Ազգային ժողով / Նիկոլ Փաշինյանը նշանակվեց վարչապետ

Նիկոլ Փաշինյանը նշանակվեց վարչապետ

Նախագահ Արմեն Սարգսյանը, հիմք ընդունելով Սահմանադրության 149-րդ հոդվածի 1-ին մասը, հրամագիր է ստորագրել՝ Նիկոլ Փաշինյանին վարչապետ նշանակելու մասին: Այս մասին հայտարարություն է տարածել նախագահի գրասենյակը։

Նշենք, որ այսօր 7-րդ գումարման Ազգային ժողովի առաջին նիստն է։ Նիստը նախագահում է խորհրդարանի ամենատարեց պատգամավորը՝ ԱԺ-ում ազգային փոքրամասնությունների ներկայացուցիչ Կնյազ Հասանովը:

Այսօրվա նիստի օրակարգում հետևյալ հարցերն են.

Հաշվիչ հանձնախմբի ստեղծում:

Ազգային ժողովի նախագահի ընտրություն:

Ազգային ժողովի նախագահի երեք տեղակալների ընտրություն:

Մշտական հանձնաժողովների ստեղծում:

Մշտական հանձնաժողովների նախագահների ընտրություն:

Կառավարության առաջարկությամբ՝ կառավարության կառուցվածքի փոփոխության վերաբերյալ օրենքի նախագծի քննարկում:

Կառավարության ծրագրին հավանություն տալու հարց: