Home / Հայաստան / Երկրաշարժից տուժած 227 ընտանիք բնակարանի վկայագիր կստանա

Երկրաշարժից տուժած 227 ընտանիք բնակարանի վկայագիր կստանա

Սպիտակի երկրաշարժի հետևանքով անօթևան մնացած 227 ընտանիքներ բնակարանի սերտիֆիկատ կստանան, իսկ երկրաշարժից տուժածների խնդիրը վերջնականապես կլուծվի մինչև 2020 թվականի ավարտը։

ՀՀ կառավարությունը նոյեմբերի 14-ի նիստում որոշում է ընդունել երկրաշարժի հետևանքով անօթևան մնացած ընտանիքների բնակարանային խնդիրների լուծմանն ուղղված պետական աջակցության ծրագրի շահառու ճանաչված 227 ընտանիքի բնակարանային խնդրի լուծման վերաբերյալ: 227 ընտանիքների (121-ը՝ Լոռու, 90-ը՝ Շիրակի և 16-ը՝ Արագածոտնի մարզերի գյուղական բնակավայրերում) բնակարան (բնակելի տուն) ձեռք բերելու նպատակով վկայագրի միջոցով ֆինանսական աջակցություն կտրամադրվի:

Հիշեցնենք, որ Շիրակի, Լոռու և Արագածոտնի մարզերի գյուղական բնակավայրերում դեռևս լուծման կարիք ուներ ծրագրի շահառու ճանաչված 453 ընտանիքի բնակարանային խնդիր: Այդ ընտանիքների շրջանում 2019 թվականի սեպտեմբեր ամսվա ընթացքում կատարվել է հարցում՝ նրանց կողմից նախընտրելի բնակապահովման տարբերակի (բնակարակային շինարարություն կամ վկայագրի տրամադրում) վերաբերյալ: Հարցմանը մասնակցած ընտանիքներից 227-ը (121-ը՝ Լոռու, 90-ը՝ Շիրակի և 16-ը՝ Արագածոտնի մարզերի գյուղական բնակավայրերում) նախընտրել է բնակարան (բնակելի տուն) ձեռք բերելու նպատակով վկայագրի միջոցով ֆինանսական աջակցություն ստանալու տարբերակը: 227 ընտանիքի բնակարանային խնդրի լուծման համար ՀՀ կառավարության պահուստային ֆոնդից կհատկացվի 1.291,6 մլն. դրամ:

«Գուցե մյուս շահառուները ևս վերանայեն իրենց որոշումը, իսկ եթե ոչ, ապա կառավարությունը պատրաստ է նրանց համար բնակարան կառուցել։ Երկրաշարժից տուժածների բնակապահովման խնդիրը կլուծվի մինչև 2020 թվականի տարեվերջ», – ասել է Նիկոլ Փաշինյանը։

Tekali Taxi