Epress.am Լուրեր Հայաստանից
Ղարաբաղյան 44-օրյա պատերազմի զոհերի թիվը 4000-ը չի գերազանցում, հավաստիացնում է փոխվարչապետ Տիգրան Ավինյանը։
Ըստ նրա, պատերազմի ընթացքում զոհվածների վերաբերյալ հրապարակվող թվերը մեծամասամբ չափազանցված են։
«Այս պահի դրությամբ մենք ունենք դուրս բերված 3439 մարմին, որոնցից 766-ը դեռևս նույնականացված չեն, այսինքն ԴՆԹ նույնականացման փուլում են: Վերջնական ցուցակը հրապարակվելու է», – խորհրդարանում հարցուպատասխանի ժամանակ ասել է փոխվարչապետը։
Անհետ կորածների կոնկրետ թիվ Ավինյանը չի նշել, բայցև հավաստիացրել է, որ «զոհերի թիվը 4000-ը չի անցնի»։
Պաշտոնյան նշել է, որ անդամահատումների խնդիր ունեցող զինծառայողների թիվը չի գերազանցում 150-ը․ վիրավորում ստացած զինծառայողներին տրամադրվելու է «լավագույն պրոթեզավորում» և ապահովվելու է նար դրա անվճար սպասարկումը։