Epress.am Լուրեր Հայաստանից
Այսօր լուսադեմին, մառախուղի պայմաններում, ամրակցված զինվորական ավտոմեքենայով ծառայողական պարտականությունները կատարելիս, կորել է կապը Հայաստանի հարավարևելյան ուղղությամբ տեղակայված N զորամասի զինծառայող Արթուր Նալբանդյանի և վարորդ Արամայիս Տոռոզյանի հետ։
ՊՆ հաղորդմամբ՝ անմիջապես մեկնարկել են որոնողա-փրկարարական աշխատանքներ, որոնք դեռևս արդյունք չեն տվել:
Ռուսական կողմի միջնորդությամբ, Ադրբեջանի ԶՈՒ ներկայացուցիչների հետ քննարկվում է Նալբանդյանի և Տոռոզյանի՝ ադրբեջանական տարածքում հայտնվելու հավանականությունը։
Արթուր Նալբանդյանն ու Արամայիս Տոռոզյանը եղել են առանց զենքի։