Home / Բանակ / Հայաստան է վերադարձել հինգ գերի

Հայաստան է վերադարձել հինգ գերի

Ադրբեջանից Հայաստան է վերադարձել հինգ գերի։

Նրանց տեղափոխող ինքնաթիռը երեկոյան վայրէջք է կատարել Երևանի «Էրեբունի» օդանավակայանում:

Բաքվից վերադարձածները՝ Մելս Կարապետի Ամբարդանյան, Ռաֆիկ Ռոբերտի Կարապետյան, Ժորա Վանոյի Մանուկյան, Սեդրակ Սամվելի Սողոմոնյան, Հովսեփ Ռոբերտի Մանուկյան, տեղափոխվել են «Մուրացան» զինվորական հոսպիտալ:

Ավելի վաղ գերիների սպասվող վերադարձի մասին հաղորդել էին ադրբեջանական աղբյուրները, ըստ որոնց՝ վերջիններս դատապարվել էին ոչ ծանր հանցագործությունների համար։

Խոսվում է ականապատ դաշտերի որոշ քարտեզների՝ Ադրբեջանին փոխանցման նասին։

Ադրբեջանից առ այսօր վերադարձել են 113 հայ (ռազմա)գերիներ։ Բաքվում քրեական գործերով հիմնականում անցնում են նոյեմբերի 9-ի եռակողմ հայտարարությունից հետո Խծաբերդից գերեվարված շիրակցի պահեստազորայինները։​