Թուրքիան ռուսաստանցի չեչեններին մեղադրում է լրտեսության մեջ

Ստամբուլում լրտեսության մեղադրանքով 6 օտարերկրացի է ձերբակալվել։

Hurriyet-ի տվյալներով՝ նրանց թվում են Ռուսաստանի քաղաքացիներ Աբդուլա Աբդուլաևը, Ռավշան Ահմեդովը, Բիսլան Ռասաևը և Ասլանբեկ Աբդուլմուսլիմովը, նաև՝ Ուկրաինայի քաղաքացի Իգոր Եֆրիմը և Ուզբեկստանի քաղաքացի Ամիր Յուսուպովը։

Հետաքննությունը պնդում է, որ կասկածյալները հարձակում են նախապատրաստել Թուրքիայում բնակվող չեչեն ընդդիմադիրների վրա․ ենթադրվում է, որ նրանք աշխատել են Ռուսաստանի օգտին։

6-ն էլ, ամենայն հավանականությամբ, ձերբակալվել են հոկտեմբերի սկզբին, ըստ թուրքական մամուլի՝ պահվում են Մալտեպեի բանտում։

Кавказ.Реалии-ին՝ հղվելով տեղական չեչենական սփյուռքին, գրում է, որ ձերբակալվածները, հավանաբար, կասկածվում են բլոգեր Հասան Խալիտովի և Սիրիայում չեչեն ջիհադիստների ջոկատներից մեկի հրամանատար Ռուստամ Աջիևի նկատմամաբ մահափորձ նախապատրաստելու մեջ։ Սեպտեմբերի սկզբին նրանց կապում էին Ստամբուլում Չեչնիայի ղեկավար Ռամզան Կադիրովի աջակիցներից մեկի նկատմամաբ իրականացված հարձակման հետ։