Գնաճն ու լիրայի արժեզրկումը Թուրքիայում մարդկանց փողոց են հանել

Թուրքիայի խոշոր քաղաքներում՝ մայրաքաղաք Անկարայում, Ստամբուլում, Իզմիրում երեկ երեկոյան բազմամարդ բողոքի ցույցեր են սկսվել։ Ցուցարարները պահանջում են կառավարության և իշխող «Արդարություն և զարգացում» կուսակցության հրաժարականը։

Նախագահ Ռեջեփ Էրդողանի կտրուկ հայտարարությունների ֆոնին՝ երեքշաբթի, ընդամենը մեկ օրում, թուրքական արժույթը արժեզրկվել է ավելի քան 10 տոկոսով․ 1 դոլարն առաջին անգամ արժեր ավելի քան 13 լիրա, համեմատության համար՝ ամռանը 1 դոլարը վաճառվում էր շուրջ 8․5 լիրայով։ Տարեսկզբից թուրքական դրամը արժեզրկվել է մոտ 40 տոկոսով․ սա պատմական հակառեկորդ է Թուրքիայի համար և վատագույն ցուցանիշը զարգացող երկրների շարքում։

https://twitter.com/burcuyildirim92/status/1463177502147366919?ref_src=twsrc%5Etfw%7Ctwcamp%5Etweetembed%7Ctwterm%5E1463177502147366919%7Ctwgr%5E%7Ctwcon%5Es1_&ref_url=https%3A%2F%2Fwww.rbc.ru%2Fpolitics%2F24%2F11%2F2021%2F619d585b9a794758f66c638e

Էրդողանը ճնշում է գործադրում Կենտրոնական բանկի վրա՝ փորձելով կրկին իջեցնել վերաֆինանսավորման տոկոսադրույքները (զսպել սրընթաց գնաճը)․ վերջին ամիսներին գները բարձրացել են ավելի քան 20 տոկոսով։

https://twitter.com/Maviturkk/status/1463199619958124545

Անցած շաբաթ ընդդիմությունը արտահերթ ընտրությունների պահանջ է դրել։ Էրդողանը այն կտրականապես մերժել է։ «Ընտրությունները կանցկացվեն ըստ հաստատված ժամանակացույցի՝ 2023-ին, և մենք կրկին կհաղթենք», – ասել է Թուրքիայի նախագահը։

Ցուցարարները վանկարկում են «Կառավարության հրաժարակա՛ն», «Դուք վատ եք կատարել ձեր աշխատանքը, դուք պետք է դատվեք»։ Կան բերման ենթարկվածներ։