Home / Բանակ / Ռուսական համույթը «աննկարագրելի զգացողություններ» բերեց Մեղրի

Ռուսական համույթը «աննկարագրելի զգացողություններ» բերեց Մեղրի

Հուլիսի 9-ին Ռուսաստանի Դաշնության «Կարմիր դրոշի սևծովյան նավատորմի երգի-պարի համույթը» («Ансамбль песни и пляски краснознаменного черноморского флота») հանդես է եկել համերգով Մեղրիի մարզամշակութային կենտրոնում։

Համույթի համերգային ծրագրում ընդգրկված էին ռուսական և արտասահմանյան դասականների բոլոր ժանրերը, հին նավաստիների և զինվորների երգերը, ժամանակակից երգեր Ռուսաստանի և նավատորմի մասին։

«Մեզ համար մեծ պատիվ էր հյուրընկալել համույթի, որն իր գոյության ընթացքում բազմաթիվ ելույթներ է ունեցել տարբեր վայրերում՝ օդաչուների խցիկներից և ռազմանավերի տախտակամածներից մինչև Ռուսաստանի գլխավոր բեմեր և այսօր Մեղրիի Մարզամշակութային կենտրոնում աննկարագրելի զգացողություններ էր փոխանցում մեղրեցիներին: Ստացված համերգի խոսուն վկան էին հանդիսատեսի բարձր ծափողջյուններն ու հիացական հայացքները ողջ միջոցառման ընթացքում», – գրում է Մեղրիի համայնքապետարանը իր ֆեյսբուքյան էջում:

Մեղրիի համայնքապետարանը ներկայացնում է համույթի երկարամյա պատմությունը․ ««Կարմիր դրոշի սևծովյան նավատորմի երգի-պարի համույթը» ստեղծվել է 1932 թվականին, Ռուսաստանի Դաշնության Զինված ուժերի ամենահին ստեղծագործական թիմերից է։ Նա այնպիսի ստեղծագործությունների առաջին կատարողն է, ինչպիսիք են «Սևաստոպոլի վալսը», «Ռուսական օվկիանոսի նավատորմը», «Գանձված քարը», «Սև ծովը», «Ծովային սիրտը», «Յաբլոչկո» պարը և շատ այլ ստեղծագործություններ»։