Զինվոր է ծանր վիրավորվել․ «անզգուշությամբ ինքնասպանության հասցնել»

Շարքային Հ. Ս.-ն մարտական դիրքում ծանր վիրավորում է ստացել։

Պաշտպանության նախարարությունը հայտնում է, որ, ըստ նախնական տվյալների, Հայաստանի N զորամասի զինվորը «իրեն ամրակցված ինքնաձիգից կզակի տակից արձակված կրակոցից գլխի շրջանում ստացել է հրազենային վնասվածք և ծանր վիճակում տեղափոխվել կայազորային հոսպիտալ»:

Քննչական կոմիտեից հաղորդում են, որ դեպքի առթիվ քրգործ են հարուցել ՔՕ 522-րդ հոդվածի՝ «զինծառայողին անզգուշությամբ ինքնասպանության հասցնելը» 2-րդ մասի 3-րդ կետով: