Home / Տեսանյութեր / Ոստիկանությունը հաստատում է. հանցագործությունների բացահատման համար հետևում են սոցցանցերին

Ոստիկանությունը հաստատում է. հանցագործությունների բացահատման համար հետևում են սոցցանցերին

ՀՀ ոստիկանության կազմակերպված հանցավորության դեմ պայքարի վարչությունում գործող կիբերհանցագործությունների դեմ պայքարի ստորաբաժանումը հետևում է ինտերնետում, մասնավորապես, սոցիալական ցանցերում, այդ թվում` Facebook-ում արված գրառումներին: Այս մասին Epress.am-ի հետ զրույցում ասել է ՀՀ ոստիկանության հասարակայնության հետ կապերի աշխատակից Արմեն Մալխասյանը:

Նրա խոսքով` եթե դրանցում պարունակվում են հանցավոր տարրեր կամ ապացույցներ, որոնք անհրաժեշտ են քրեական գործեր բացահայտելու համար, տեղեկատվությունը ստուգվում է այդ ստորաբաժանման կողմից:

Ըստ Մալխասյանի` դա նորույթ չէ, ստորաբաժանումը միշտ կիրառել է այդ գործիքը:

Նշենք, որ այսօր «Հրապարակ» օրաթերթը գրել էր, որ վերջին շրջանում Facebook-ում աճել է ոստիկան օգտատերերի քանակը: Ըստ թերթի` դա արվում է Facebook-ի տիրույթը վերահսկելու նպատակով:

Թերթի հավաստի աղբյուրների փոխանցմամբ, ՀՀ ոստիկանությունը սոցիալական ցանցը ևս վերահսկողության տակ առնելու նպատակ ունի, ընդ որում` ոչ միայն սկիզբ առնող հնարավոր ակցիաները վիզուալ կանխելու, այլև տեխնիկական անվտանգության:

Tekali Taxi