Epress.am Լուրեր Հայաստանից
Ղարաբաղի նախագահը խոսնատում է, որ Ավետարանոց և Ակնաղբյուր գյուղերի տարհանված բնակչության համար Ասկերանի շրջանում նոր բնակարաններ կկառուցվեն։
Արայիկ Հարությունյանն ընդունել է Ասկերանի շրջանի Ավետարանոց և Ակնաղբյուր գյուղերի մի խումբ բնակիչների․ հանդիպման ընթացքում քննարկվել են տեղահանված ընտանիքների խնդիրները և նրանց համատեղ բնակության վայրի ընտրության հարցը:
Հարությունը ընդգծել է նախընտրությունը, որ այդ գյուղերի բնակիչները վերաբնակեցվեն համախումբ սկզբունքով:
«Երկու համայնքների բնակիչների հետ քննարկումների ընթացքում նախանշվել են Ասկերանի շրջանի մի շարք վայրեր, որոնց վերջնական ընտրությունը պետք է կատարեն բնակիչները՝ պետական լիազոր մարմինների ներկայացուցիչների հետ միասին: Այնուհետև կարճ ժամանակահատվածում կկազմվեն նոր բնակավայրերի նախագծերն ու կտրվի շինաշխատանքների մեկնարկը», – ասված է Արցախի նախագահի աշխատակազմի տարածած հաղորդագրությունում:
Հանդիպմանը մասնակցել են Արցախի տարածքային կառավարման և ենթակառուցվածքների, քաղաքաշինության նախարարները, կադաստրի և պետական գույքի կառավարման պետական կոմիտեի ղեկավարը: