Զինվորները Մարտակերտում հայտնաբերել են ևս մեկ զինծառայողի աճյուն

Մարտակերտի զորամասերից մեկի հարակից տարածքում զինվորները հայտնաբերել են մեկ զոհված զինծառայողի մասունք:

Ղարաբաղի արտակարգ իրավիճակների պետծառայության հաղորդմամբ՝ զինծառայողի ինքնությունը պարզելու համար նշանակվել է դատաբժշկական փորձաքննություն։

Հարավային ուղղությամբ՝ Ադրբեջանի վերահսկողության տակ գտնվող տարածքներում այսօր իրականացված որոնումներն արդյունք չեն տվել: Որոնողական աշխատանքները կշարունակվեն նաև վաղը: