Home / Բանակ / Ազատության հրապարակում հանրահավաք էր հրավիրել «մեր ժողովրդի արևը»

Ազատության հրապարակում հանրահավաք էր հրավիրել «մեր ժողովրդի արևը»

Նոյեմբերի 9-ին Երևանի Ազատության հրապարակը զբաղեցրել էր ընդդիմադիր հերթական միավորումը․ քոչարյանական «դիմադրությանը» փոխարինելու եկավ Ազգային-ժողովրդավարական բևեռի հանրահավաքը, որի կորիզն են ղարաբաղյան առաջին պատերազմի մասնակից, լիբանանահայ Ժիրայր Սեֆիլյանը, 2016 թվականին ոստիկանական գնդի գրավման ընթացքում աչքի ընկած նախկին սպա Վարուժան Ավետիսյանը և Աֆղանստանում սովետական զորքերի թարգմանիչ, Կանադայում Հայաստանի նախկին դեսպան Արա Պապյանը․․․ Հանրահավաքին հաջորդեց ջահերով երթը դեպի Ռուսաստանի դեսպանատուն:

26438718-0BFB-470A-BD80-AF7C9E6DC612_1_105_c

Բեմի մոտ տեղադրված բարձրախոսներից հնչում են ազգագրական, հայրենասիրական երգեր։

2DB11B02-EB4D-4FCD-BDB8-CD43AF12DD7A_1_105_c

Հանրահավաքը վարում է Վահե Գասպարյանը՝ Ազգային-ժողովրդավարական բևեռի վարչապետի թեկնածուն։

D5654D0A-1662-4DD0-9E46-18F063D97991_1_105_c

Վահե Գասպարյան․ — Ողջույն, ժողովուրդ։ Ողջույն Լոռի, ողջույն Վանաձոր, Գեղարքունիք, Սյունիք, Տավուշ, Լոռի, Արցախ, Նախիջևան, Կարս, Էրզրում, Բիթլիս, Տրաբզոն․․․ Մենք գալի՜ս ենք։ Երեկվա խեղկատակությունից հետո իսկական ընդդիմությունը սկսում է իր հանրահավաքը։

B89028F6-C06C-4B2B-B52E-4027553BA2AD_1_105_c

Գասպարյանը բեմ է հրավիրում պարոն Ալեքսանդր Խալաթյանին և բոլոր նրանց, ովքեր «վստահ են իրենց վոկալային տվյալներին»։ Միասին երգում են «Սարդարապատը»։

1F7C2929-8D2B-443F-9566-70FD3F190C37_1_105_c

(Զանգեր, ղողանջեք,
Սրբազան քաջերին կանչեք
Այս արդար մարտին…)

17F08436-912A-4C79-B64A-515E4E4957F8_1_105_c

(Բայց մենք չընկանք,
Մենք միշտ կանք,
Մենք չհանգանք, դեռ կգանք․․․)

3D45FF51-2FBC-46EA-BF78-4F4F31E67D8D_1_105_c

Բարձրախոսին մոտենում է Վարուժան Ավետիսյանը։

Վարուժան Ավետիսյան․ Առաջարկում ենք միասին երդվել։ 

7A807CF0-8F2C-4276-AD1D-6EB9720D1575_1_105_c

(Ավետիսյանը կարդում է երդման տեքստը)

— ․․․Երդվում եմ՝ հոգով, մտքով, խոսքով և գործով լինել հավատարիմ և հետևորդ հայրենատիրության գերագույն նպատակին, ջանք ու եռանդ չխնայել ազգային ինքնիշխան պետության կայացման ու հզորացման համար, պայքարել և զարգացնել ազգային ինքնությունս, առաջին հերթին՝ հայոց լեզուն, հայրենի հողը և հայ մշակույթը, հարգել և պաշտպանել համամարդկային արժեքները, արժանի լինել հայրենիքի ազատության նահատակ հերոսների հիշատակին, լինել իրավատեր քաղաքացի, ազգային ու պետական շահը գերադասել անձնականից և պաշտպանել հայրենիքը, իրավունքը ու ազատությունը։

99A4ABD3-9345-4CEC-813D-BE61C2A0670B_1_105_c

Ավետիսյան․ — Հիմա միասին մաս առ մաս կկրկնենք՝ աջ ձեռքը վեր բարձրացնելով։

(Միասին մաս առ մաս կրկնում են՝ աջ ձեռքը վեր բարձրացնելով։ Վարուժան Ավետիսյանը կարդում է, հավաքվածները կրկնում են)

— Երդվում եմ, երդվում եմ, երդվում եմ։

(Բեմ են բարձրանում ջահերով տղաներ: Ջահերը բաժանում են բեմի ետնամասում կանգնածներին)

A4B1D0E1-5281-4A4D-B12B-53CF566F5F8A_1_105_c

Վահե Գասպարյան — Ի տարբերություն նախորդ մեր հանրահավաքների, այսօր այստեղ են ԶԼՄ-ների որոշ ներկայացուցիչներ, և նրանց շարքում է Հանրայի՜ն հեռուստատեսությո՜ւնը։

0B910A70-FB93-46B6-B642-1339CCBA06B6_1_105_c

Գասպարյան— Այո՛, Ռուսաստանի չեկիստական համակարգը ամենևին հանձնվելու պլաններ չուներ և մտադիր էր ամեն գնով, այս կամ այն ձևով վերականգնել կայսրությունը։ Ցավոք սրտի՝ դա նրանց հաջողվեց։ ԽՍՀՄ լուծարմանը հաջորդեց ԱՊՀ կոչված կառույցի ստեղծումը՝ սկիզբ դնելով հետխորհրդային տարածքի երկրների, բացառությամբ մերձբալթյան երեք երկների, նեոգաղութացմանը։

5B9143E1-43F1-4D83-8022-7695843F2184_1_105_c

Գասպարյան․ — Երկար ու ձիգ 30 տարիների ընթացքում համակարգը խորը արմատներ տվեց, զարգացավ, ամրացավ, ծաղկեց՝ բերելով իր հետ նոր վարք ու բարք։ Նեպոտիզմ, հեդոնիզմ, ռաբիսի տիրապետություն, նյութապաշտություն, ստրկամիտություն՝ մի յուրօրինակ ու նոր փիլիսոփայություն, որի իմաստն է ազգային հարստության ռազմավարական մասը՝ գազամուղ, էլ-ցանցեր, երկաթգիծ, կապ, հանքեր, և շահերը՝ արտաքին քաղաքականություն, ռազմական և անվտանգային հարցեր, Արցախ․․․ գաղութատիրոջը՝ ցարին, զիջելու դիմաց ստանալ նրա համակրանքը, հովանավորությունը և իշխանության դաբրոն, որպեսզի հնարավոր լինի հարստանալ՝ յուրային ժողովրդին կեղեքելու միջոցով։

8B1E8B70-006C-45F3-902B-1309498655CB_1_105_c

Գասպարյան․ — Առաջ եկան մականունավոր օլիգարխներ, նրանց շահերը սպասարկող քրեական հեղինակություններ և նրանց բոլորի գլխին կանգնած շեֆը, նույն ինքը՝ գեներալ-գուբերնատորը․․․

43DA5037-723D-446E-B2DB-85BC1BFC1B90_1_105_c

Գասպարյան․ — Այսպես կոչված «Ոչ բռնի թավշյա հեղափոխությունը» նույնպես այդ ծրագրի հերթական փուլն էր։

FC707DDE-0F19-4CFA-8224-55A1C9130B1C_1_105_c

Գասպարյան․ — Բայց ամեն ինչ ունի իր սկիզբն ու վերջը, և ցանկացած ապազգային, անբնական, անբարոյական, ոչ ժողովրդավարական համակարգ դատապարտված է մահվան։ Հայաստանի դեպքում համակարգի մահը չէր կարող լինել փափուկ և անցավ, քանի որ կար Արցախի հարցը։ Ցավոք սրտի՝ այդպես էլ եղավ։ Արյունով ծնված հանցավոր համակարգը (հիշենք Մոնթեի, Լեոնիդի, Արթուր Մկրտչյանի և այլոց առեղծվածային սպանություններն ու հոկտեմբերի 27-ը), արյունով էլ սատկում է՝ իր հետ տանելով մեր հազարավոր նվիրյալ տղաների և աղջիկների կյանքերը։ Մենք հիմա ականատես ենք այս համակարգի հոգեվարքային ցնցումներին։ 2020 թվականի նոյեմբերի 9-ի տխրահռչակ փաստաթուղթը նշանավորում է ոչ միայն դավադիր պատերազմում մեր կրած պարտությունը, այլև ավետում է Հայաստանի քրեաօլիգարխիկ, նեոգաղութային համակարգի մահվան մեկնարկը։ 

185C7494-3556-42C0-B17A-4F7D0C189F75_1_105_c

Հաջորդ բանախոսը Յուռա Թադևոսյանն է։

Յուռա Թադևոսյան․ — Ողջույն, ժողովուրդ ջան։ Ես ձեզանից մեկն եմ, ձեր ցավը տանեմ։

5A528F92-33A9-4225-A715-2B2093B83D67_1_105_c

Թադևոսյան․ — Ազգային-ժողովրդական բևեռից հենց հիմա մրսում են նախկինները, որոնք լափելուց, բանակը թալանելուց ու դղյակներ կառուցելուց բացի մեղքերի քավություն էին անում՝ եկեղեցիներ կառուցելով։ Ներկայիս կառավարությունը անգրագետ և դավաճանական ուղղություն է բռնել, շարունակում է մինչև այսօր ժողովրդի ուղեղը լվանալ։ Ազգային-ժողովրդական բևեռից մրսում է նաև Կրեմլը, Ալիևը և Էրդողանը։ Դրանք բոլորը սառույցներ են․․․

3E2CFA07-7D59-446F-ADDC-6145A97CADB5_1_105_c

Թադևոսյան․ —  Ազգային-ժողովրդական բևեռը մեր ժողովրդի, կարելի է ասել, արևն է։ Այն արևն է, որը հալացնելու է այդ սառույցները։

7EF7D85E-EB05-4FE4-BD87-6F86C1860104_1_105_c

Հաջորդիվ ելույթ է ունենում Ալբերտ Բաղդասարյանը։

Ալբերտ Բաղդասարյան․ — Պուտինը անձամբ գրեց Հայաստանի համար կապիտուլիացիոն պայմանագիրը և հարյուր տարի անց հերթական անգամ Հայաստանի տարածքները բաժանեց ռուս-թուրք-ադրբեջանական եռյակի միջև։ Հայաստանի ազգուրաց, անազգ մասսան բավարարվեց, ասեց՝ վերջապես մենք կունենանք խաղաղություն, մենք մտնելու ենք խաղաղության դարաշրջան, այլևս մենք ու ադրբեջանցիք, մենք ու թուրքերը եղբայրներ ենք, Թուրքիայից դրական ազդակներ ենք ստանում։ Այս խոսքերը ձեզ չեն հիշեցնո՞ւմ հարյուր տարի առաջ հայ բոլշևիկների խոսքերը․․․

F257E5F5-D020-4628-8E09-CA0CCA72C7A8_1_105_c

Բաղդասարյան․  — Օգտագործելով 30 տարի հայ ազգի մեջ կուտակված զայրույթը՝ 2018 թվականի անունը դրեցին բաց ձեռքերի հեղափոխություն։ (Ձեռքերը պարզում է դեպի վեր) Նայեք՝ այս դիրքը հանձնվելու դիրքն է։ Մենք բոլորս ազգովի ձեռքերներս բարձրացրեցինք և նոյեմբերի 9-ին ինքը կնքեց այս հանձնվելու հայտարարությունը․․․

CF0F0630-627D-409E-AC53-15FD133F101D_1_105_c

Վահե Գասպարյան․ — Մի հատ էլ լավ լուր ու գնանք․ դեկտեմբերի 9-10-ը տեղի է ունենալու ԱՄՆ նախաձեռնությամբ «Ժողովրդավարության սամիթ» կոչվող միջոցառումը, որին մասնակցելու են 100-ից ավելի ժողովրդավարական երկներ։ Հայտնի է դարձել, որ այդ սամիթին մասնակցության հրավեր չեն ստացել Ռուսաստանը, Թուրքիան, Ադրբեջանը, Բելառուսը և այլ բռնատիրական երկրներ։ Սա՝ ի գիտություն այն տգետների, որ պնդում են, թե Թուրքիան ԱՄՆ-ի դաշնակիցն է․․․

E1D7E40E-028E-45F2-980A-7DD4E6543F97_1_105_c

Ցուցարարներին ջահեր են բաժանում։ Հանրահավաքը երթով շարժվում է դեպի Ռուսաստանի դեսպանատուն։

FEE6FF6A-1E83-4C47-9BB0-6A06AC150D06_1_105_c

Լուսանկարները՝ Էլիզա Մխիթարյանի

EBC4E201-7720-434A-9F86-781A3683B09F_1_105_c