Epress.am Լուրեր Հայաստանից
Գյումրիից Մինասի որմնանկարների տեղափոխման ՀՀ կառավարության նախաձեռնությունը բուռն բողոքի ալիք է բարձրացրել գյումրեցիների շրջանում, գրում է «Շիրակ կենտրոն» ՀԿ-ն այսօր տարածված հաղորդագրության մեջ:
«Շիրակ կենտրոնը» նշում է, որ գյումրեցի մշակույթի գործիչների և քաղաքացիական հասարակության կառույցների ներկայացուցիչների նախաձեռնությամբ կազմակերպվել է քաղաքից տեղափոխված չորս որմնանկարները վերադարձնելու պահանջով ստորագրահավաք:
Այսօր ստորագրահավաքի առաջին փուլով, 4053 ստորագրություններով պահանջագիրը «Շիրակ կենտրոն» ՀԿ-ն պաշտոնական գրությամբ ուղարկել է ՀՀ վարչապետ Տիգրան Սարգսյանին:
Ստորագրահավաքը շարունակվում է և ՀԿ-ն նշում է, որ ցանկացողները կարող են միանալ ստորագրողներին` լրացնելով «Շիրակ կենտրոնի» կայքում տեղադրված ձևաթուղթը: