Իսրայելը դիմադրում է ՀԱՄԱՍ-ի հետ համաձայնագրին եւ ռմբակոծում է Գազան
Իսրայելի կառավարությունը թաստաթուղթը կքննարկի ամենաշուտը վաղը։
- Կարեկցում եմ նրանց, ովքեր օրենք ու Ղուրան են խախտում․ սկսվում է ԼՂՀ նախկին ղեկավարի դատը
Կկարողանան միասին ծաղիկներ խոնարհել այս պատերազմում բոլոր ընկածների շիրիմներին․․․
Հիվանդներին կստիպեն բուժվել, որ տանեն բանակ
Կառավարությունը որոշել է 16 տարեկանը լրացած բոլոր տղաների առողջական վիճակը արձանագրել թվային համակարգով։ Նպատակը՝ հայտնաբերել նրանց իրական հիվանդությունները, ստիպել բուժվել մինչև զորակոչվելը։ «Մենք գիտենք, որ զինակոչային գործընթացներ մուտք գործելու պահից մեր տղաների շրջանում զանգվածայնորեն հիվանդություններ են ի հայտ գալիս», - հայտարարել է վարչապետ Փաշինյանը՝ մեղադրելով մարդկանց բանակից խուսափելու մեջ։ Ըստ պաշպանության նախարար Սուրեն Պապիկյանի՝ թվայինի շնորհիվ զինակոչիկները կրկնակի փորձաքննության չեն ուղարկվի, նոր համակարգը միանգամից կսահմանի անհրաժեշտ բոլոր ստուգումների շրջանակը։ Ընթացիկ զորակոչի ժամանակ կրկնակի փորձաքննություն է պահանջել 1800-ից ավել զորակոչիկ։ «Կատարվող փոփոխությունները նաև հնարավորություն կընձեռեն մինչև զորակոչային տարիքը հայտնաբերել հավանական հիվանդությունները, նախաձեռնել նպատակային բուժման գործընթաց, քաղաքացու վերաբերյալ ունենալ թվային առողջապահական տվյալներ, ունենալ բժշկական հետազոտությունների հետագծելիությունը, որը ամենակարևոր հանգամանքներից մեկն է», - ասել է Պապիկյանը։ Հետագծելիությունը, ըստ նրա, թույլ կտա բացահայտել կեղծիքները։ Փաշինյանը 10-ից ավել րոպե խոսացել է այն մասին, որ ամեն զորակոչի ժամանակ ազգը հանկարծակի հիվանդանում է, որ ծնողները պատրաստ են ցանկացած կեղծիքի՝ տղային բանակից ազատելու համար, ինչից վարչապետը ենթադրել է, որ հայերը արական սեռի մարդկանց բամբակի մեջ են մեծացնում, երես են տալիս և դարձնում ավելի անմրցունակ, քան աղջիկներն են։ Նույնիսկ պատերազմի ժամանակ տեղի ունեցածն է նա կապել այս մշակույթի, ոչ թե իր ղեկավարած համակարգի սնանկության հետ։ Սա հիվանդներին բանակ տանելու առաջին որոշումը չէ։ Անցյալ տարի նախ կրճատվել է պարտադիր զինծառայություններից ազատվող հիվանդությունների ցանկը, ապա սահմանափակվել է տարկետում ստանալու հնարավորությունը։ Երեկ՝ 2024 թվականը ամփոփող ասուլիսին, Պապիկյանն իր ձեռքբերումները թվարկելիս նշել է, որ այդ որոշումներով ⅕-ով աճել է ամառային զորակոչի մասնակիցների թիվը։ Զինվորագրվածներին ՊՆ-ն հաշվում է, բանակում մահացածներին՝ ոչ։ Պապիկյանը բանակային մահերից խոսելիս իր մասնակի պատասխանատվությունն ընդունում է միայն սպանությունների և ինքնասպանությունների դեպքերում։ Իսկ առողջական պաճառներով մահերում՝ ոչ։ Անցյալ տարի մեկ զինծառայող շարքում կանգնած է հանկարծամահ եղել։ Նրա համագյուղացիների տվյալներով, տղան տրոմբ ուներ, բանակ տանելուց առաջ նրան ոչ ոք նորմալ չի զննել։ Նորակոչիկներից մեկն էլ մահացել է զորակոչային ստուգումների ընթացքում․ սիրտը չի դիմացել զինկոմիսարիատի պարտադրած հերթական պրոցեդուրային։ Իրավապաշտպանները կարծում են, որ վերջին բարեփոխումներից հետո այսպիսի խնդիրները միայն շատանալու են, տուժելու նախ և առաջ հիվանդները։ Բայց իշխանությունները ավելի հետաքրքրված են մարդաքանակ ապահովելով։ Արդեն մի տարի է Փաշինյանը պարբերաբար բողոքում է՝ տպավորություն է, թե ամբողջ ազգը հիվանդ է։ Նրա թիմակիցները թվեր են հրապարակում․ 2010-ին Հայաստանից զորակոչվել է 44 հազար ժամկետային զինծառայող, 9 տարվա ընթացքում այդ թիվը պակասել է 44 տոկոսով՝ 44 հազարից դառնալով 24 հազար։
Ոստիկանությունը հասավ նպատակին. հարյուրավոր դիակներ ՀԱՀ-ի հանքահորից
Փրկարարները հանքից հանել են նաև 246 ողջ մնացած հանքափորների՝ հյուծված վիճակում, և անմիջապես ձերբակալել։
Լրագրողի արտահանձնումը Ադրբեջան հետաձգվել է մեկ շաբաթով
Պաշտպանական կողմը կանխատեսում էր դա, և դեռ դեկտեմբերին դիմել էր Մարդու իրավունքների եվրոպական դատարան։
Ադրբեջանում պատժում են նաև աշխատավորներին պաշտպանելու համար
Ադրբեջանում ևս մեկ արհմիութենական ակտիվիստի են բանտարկել։ Ադրբեջանի անկախ արհմիությունների կոնֆեդերացիայի նախագահ Աֆիյադին Մամեդովին Բաքվի դատարանը դատապարտել է 8 տարվա ազատազրկման։ Նրան մեղադրում են ոմն Սաֆար Հուսեյնովին դանակահարելու մեջ։ Մամեդովը հերքում է մեղադրանքները և պնդում, որ իրեն պատժում են իրավապաշտպան գործունեության համար։ Արհմիութենական ակտիվիստների ձերբակալությունները սկսվել են առաքիչների բողոքի ցույցից հետո՝ 2023-ի օգոստոսին։ Մեկին դանակահարություն են մեղսագրել, մյուսներին՝ թրմանյութերի իրացում։ Տեղական և միջազգային իրավապաշտպան կազմակերպությունները նրանց քաղբանտարկյալ են համարում։ տե՛ս Ադրբեջանը հարձակվել է արհմիութենականների վրա Իր վերջին խոսքում Մամեդովը կրկնել է՝ ոչ մեկին չի դանակահարել, որևէ հանցանք չի գործել, զուտ պատժվում է աշխատավորական նոր շարժմանը մասնակցելու համար։ Նա պատմել է, որ 2022-ի մարտին մի խումբ ակտիվիստներով որոշել են նոր արհմիություններ ստեղծել։ Այդպես է ձևավորվել «Աշխատասեղան» կազմակերպությունը։ Հիմնադրումից հետո Մամեդովին երեք անգամ վարչական պատժի են ենթարկել, օգոստոսին կազմակերպված բողոքի ցույցից հետո ռեպրեսիաները խստացվել են։ Նրա գործընկերներից երեքին ձերբակալել են թմրաշրջանառության մեղադրանքով, իրեն էլ մեղադրել են անհայտ անձին դանակահարելու մեջ։ Մամեդովը հիշեցրել է՝ 2023-ի օգոստոսին իրեն մեկամսյա վարչական կալանքի են ենթարկել։ Ազատ արձակելուց հետո՝ 2023-ի սեպտեմբերին, տնից դուրս գալիս նա հարձակման է ենթարկվել անհայտ անձի կողմից։ Անմիջապես ոստիկաններ են հայտնվել, ձերբակալել են իրեն, ոչ թե հարձակվողին։ Բաժնում նրան տապալել են գետնին, ոլորել ձեռքերը, ձեռնաշղթաներ հագցրել, ստիպել կպնել ինչ-որ դանակի։ Ակտիվիստի խոսքով՝ բեմադրության նպատակը կեղծ ապացույցներ հայթայթելն էր, որպեսզի դանակի վրա իր մատնահետքերը լինեն։ Սա արդեն երրորդ դատավճիռն է արհմիութենական ակտիվիստների նկատմամբ․ մինչ այս 3 տարվա ազատազրկման են դատապարտվել «Աշխատասեղան» կազմակերպության անդամներ Էլվին Մուստաֆաևն ու Այխան Իսրաֆիլովը։ Մահյադդին Օրուջևը դեռ սպասում է դատավճռի։ Երեքն էլ մեղադրվում են թմրաշրջանառության մեջ․ սա ընդդիմադիր ակտիվիստներին ամենահաճախ մեղսագրվող հոդվածն է Ադրբեջանում։ տե՛ս 3 տարի ազատազրկում՝ Բաքվի առաքիչներին պաշտպանելու համար Մամեդովի փաստաբան Զիբեյդա Սադիգովան մտադիր է բողոքարկել վճիռը։ Դատավարության ողջ ընթացքում պաշտպանական կողմի բոլոր միջնորդությունները մերժվել են։ Ադրբեջանի անկախ արհմիությունների նորաստեղծ կոնֆեդերացիան 2023 թվականի օգոստոսի 1-ին բողոքի ցույց էր կազմակերպել՝ պահանջում էին վերացնել առաքիչների մոպեդներին առնչվող նոր սահմանափակումները։ Արհմիութենականների ձերբակալությունները հենց այս ցույցից հետո են սկսվել։ Անկախ արհմիությունների կոնֆեդերացիան փոխկապակցված էր «Դեմոկրատիա 1918» շարժման հետ։ Այն ստեղծվել է 2022-ի գարնանը՝ որպես այլընտրանք Խորհրդային Միությունից ժառանգված և կոռումպացված Ադրբեջանի արհմիությունների կոնֆեդերացիային։ Արհմիութենական ակտիվին ձերբակալում էին 2023 թվականին, 2024-ին սկսեցին ձերբակալել անկախ լրագրողներին։ Նրանց շարքերում նաև «Դեմոկրատիա 1918» շարժման համախոհներ կային։ տե՛ս Ադրբեջանում դեռ գտնում են՝ ում լռեցնել Ադրբեջանում բոլորը գոհ են կամ «լրտես» Մինչև ցմահ. Ադրբեջանում ընկել են խաղաղասերների և գիտնականների հետևից Բաքվում կալանավորել են նաև Meydan TV-ի լրագրողների Ես չեմ ուզում լինել Ադրբեջանի քաղաքացի․ հավատացյալների ձերբակալությունները շարունակվում են
Հայաստանյան դատարանը ֆիքսել է գեներալի մահաբեր հրամանը
Գեներալ Ջալալ Հարությունյանը մեղավոր է ճանաչվել «Ցորի» զորամասի 20 զինծառայողների մահվան համար
Հիանալի է գերտերության հետ գործընկերական խարտիաներ ստորագրելը
Դեկլարատիվ փաստաթուղթ, ապագայի հնարավոր ռազմավարականություն, ուռճացված լուսաբանում․․․
Զանգվածային նախազգուշական գործադուլ Վրաստանում
Հարյուրավոր կազմակերպությունների աշխատակիցներ մի քանի ժամ չեն աշխատելու։
Գաղութացումը որպես կորսված մաքրության որոնում
Վլադիմիր Պուտինը շատ հեռու է ավանդապաշտ լինելուց։
Նուբարաշենի չփակվող բանտի չլուծվող խնդիրները
Հորդորում և համոզում են ազատությունից զրկված անձանց չբարձրաձայնել ներհիմնարկային հարաբերություններին առնչվող․․․
Գեներալ-դեսպանը Ուկրաինայի հեռավոր ապագայի ընտրությունների ֆավորիտն է
Գրեթե բոլոր կուսակցությունները նրան համագործակցություն են առաջարկում։