Epress.am Լուրեր Հայաստանից
«Հրազդան» քրեակատարողական հիմնարկի դատապարտյալ Ա. Մ.-ն 2015 թվականի դեկտեմբերին դիմել է ինքնավնասման բանտի ղեկավարների գործողությունների պատճառով։ Նա հանցագործության մասին հաղորդում է ներկայացրել Հատուկ քննչական ծառայություն (ՀՔԾ)՝ նշելով, որ ՔԿՀ֊ի պետն ու առանձին ծառայողներ վիրավորել են իրեն՝ կապված սեռական կողմնորոշման հետ, կարանտինային խցից չեն տեղափոխել պատժի կրման համար նախատեսված խուց, ապօրինի սահմանափակել են թույլատրելի հեռախոսազանգերի տևողությունը, իրեն անհիմն տեղափոխել են պատժախուց։
Ինչպես տարածած հաղորդագրության մեջ նշում է Հատուկ քննչական ծառայությունը, ՔԿՀ֊ի պաշտոնատար անձանց կողմից խոշտանգում կատարելու դեպքի առթիվ հարուցվել է քրեական գործ։