Epress.am Լուրեր Հայաստանից
Մարտի 15-ին` ժամը 17:00-ին և մարտի 30-ին ժամը 19:00-ին Երևանի Նորարար Փորձառական Արվեստի Կենտրոնում տեղի կունենա Նարեկ Ավետիսյանի «Սիմուլակրում` 33 ձևափոխություններ ըստ Վերմեերի «Մարգարտե ականջօղով աղջիկը» կտավի» ցուցահանդեսը:
Նարեկ Ավետիսյանը Հայաստանի հետխորհրդային ժամանակակից արվեստի նշանավոր արվեստագետներից մեկն է:
Արվեստագետի կողմից ներկայացվող «Սիմուլակրում»-ն ամբողջական բազմամաս նախագիծ է` բաղկացած կտավներից, վիդեոանիմացիայից և այն ուղեկցող երաժշտությունից: Նախագիծը հենված է 17-րդ դարի հոլանդացի հանրահայտ նկարիչ Յոհաննես Վերմեերի «Մարգարտե ականջօղով աղջիկը» կտավի 33 պատճեն-վարիացիաների վրա` կատարված ըստ համաշխարհային, այդ թվում և հայ գեղանկարչության հայտնի ոճերի, գեղանկարիչների անհատական մաներաների: Կտավները ուղեկցվում են անիմացիոն տեսաշարով, որը շարժման և ժամանակի չափման մեջ է ցույց տալիս պատկերների վերածվելը մեկը մյուսի: