Ադրբեջանցի շախմատիստը վթարի է ենթարկվել

Հայտնի ադրբեջանցի գրոսմայստեր Շահրիար Մամեդյարովը վթարի է ենթարկվել: Ինչպես հայտնում է apasport.az-ը, պատահարը տեղի է ունեցել Սումգայիթ քաղաքում:

Շախմատիստի վարած Range Rover մեքենան բախվել է  «ՎԱԶ 2107» մեքենային` վթարային իրավիճակ ստեղծելով: Ականատեսների վկայությամբ` մեքենան մայթ է դուրս եկել և մոտ 25-30 մետր սլացել:

Վերջին տեղեկությունների համաձայն, վթարի հետևանքով զոհեր չկան: Հաղորդվում է, որ Մամեդյարովը թեթև վնասվածքներ է ստացել ձեռքի և ոտքի հատվածներում:

Շախմատիստնը հաստատել է պատահարի փաստը, «Ամեն ինչ շատ անսպասելի ստացվեց: Ես ոչինչ չհասկացա: Փառք Աստծո, ոչ ոք չի տուժել: Աննշան ցավ եմ զգում ձեռքիս հատվածում: Մյուս մեքենայի վարորդը նույնպես ողջ առողջ է»: