Epress.am Լուրեր Հայաստանից
Pink Floyd ռոք խմբի` Լոնդոնում կայացած համերգի ժամանակ բեմում տեղադրված էկրաններին է հայտնվել «Ակօս» շաբաթաթերթի գլխավոր խմբագիր Հրանտ Դինքի նկարը:
Խմբի The Wall ալբոմի երգերի կատարման ժամանակ էկրաններին են հայտնվել նաև Վիետնամի պատերազմի ժամանակ զոհված զինվորների և Սադամ Հուսեյնի զորքերի իրականացրած քիմիական հարձակման հետևանքով մահացած մարդկանց նկարները:
Էկրանին հայտնված նկարի վրա նշված է եղել Հրանտ Դինքի ծննդյան և մահվան ամսաթիվը և գրություն. «Զոհվել է 2007 թվականին կազմակերպված սպանության հետևանքով»:
Խմբի մենակատար և բաս-կիթառահար Ռոջեր Ուոթերսը Դինքին և Վիետնամում զոհված զինվորներին անվանել է «հերոսներ, որոնց աշխարհն է կորցրել»:
