Ղարաբաղում 19-ամյա զինծառայող է զոհվել

Այսօր ժամը 06:00-ի սահմանում արևելյան ուղղությամբ տեղակայված զորամասերից մեկի պահպանության տեղամասի մարտական դիրքում հերթապահություն իրականացնելու ժամանակ հրազենային գնդակային վիրավորում ստանալու հետևանքով զոհվել է ՊԲ ժամկետային զինծառայող, 19-ամյա շարքային Հայկ Վասիլի Մկրտչյանը:

Ինչպես տեղեկացրել են ՊԲ լրատվության բաժնից, միջադեպի հետ կապված մանրամասները ճշտվում են: Տարվում է քննություն: