Թուրքիայում ռազմական ինքնաթիռ է կործանվել. կան զոհեր

Թուրքիայի ռազմաօդային ուժերին պատկանող F-4 կործանիչը նոյեմբերի 4-ին  վթարի է ենթարկվել Քոնյա քաղաքի մոտ, հայտնում է Associated Press-ը:

Այս տեղեկատվության համաձայն` երկու օդաչուներն էլ մահացել են վթարի հետևանքով: Վթարը տեղի է ունեցել հերթական փորձնական թռիչքի ժամանակ:

Դեռևս հայտնի չեն կործանիչի վթարի պատճառները: Միջադեպի հետազոտման համար հատուկ հանձնաժողով է ստեղծվել, որում ընդգրկվել են թռիչքների անվտանգության հարցերով զինվորականներ ու մասնագետներ: