Հարյուրավոր մարդիկ երթևեկել են մետրոյում առանց տաբատի

Կիրակի հարյուրավոր մարդիկ ամբողջ աշխարհում մասնակցել են Improv Everywhere խմբի ակտիվիստների կողմից կազմակերպված ավանդական «Դեպի մետրո առանց տաբատի» ակցիային:

Ըստ կազմակերպիչների` հունվարի 8-ին աշխարհի 60 երկրներում բոլոր ցանկացողները կարող են պայմանավորված ժամին գալ մետրո, հանել հագուստի ստորին հատվածը և այսկերպ երթևեկել հասարակական տրանսպորտում:

Ակցիաների կազմակերպիչները տեղեկությունները տարածել են Facebook-ի և այլ սոցիալական ցանցերի միջոցով:

Որպես պարտադիր պայման նշվել է այն, որ ակցիայի մասնակիցներն իրենց պահեն այնպես, կարծես թե ոչինչ չի եղել:

Միջոցառման կազմակերպիչները որևէ կոնկրետ նպատակ չեն հետապնդում և վստահեցնում են, որ իրենց գլխավոր ցանկությունը ժամանակն ուրախ անցկացնելն է: