Ոստիկանները Անկարայի թանգարան են վերադարձրել 1500 տարվա Աստվածաշունչը

Թուրքիայում գտնվել է ենթադրաբար 1500 տարվա վաղեմություն ունեցող Աստվածաշունչը, որն ավելի վաղ գողացվել էր հանցավոր խմբի կողմից:

Գիրքն ունի հաստ կաշվե կազմ և բարակ կաշվե էջեր, որոնց վրա արամերեն և ասորերեն տեքստեր են գրված:

8 տարի առաջ թուրք հնագետների կողմից հայտնաբերված ավետարանը որոնվում էր ոստիկանության կողմից: Իրավապահներին հաջողվել է առգրավել այն միայն այժմ` մաքսանենգ խմբի բերման ենթարկելիս:

Այժմ Սուրբ գիրքը գտնվում է Անկարայի ազգագրական թանգարանում, սակայն փորձագետները նշում են, որ այն պետք է ռեստավրացիայի երկար ուղի անցնի:

Միաժամանակ, Վատիկանը կոչ է արել Անկարային գիրքը բազմակողմանի վերլուծության ենթարկել,  քանի որ չի բացառվում, որ գիրքը կորած ավետարաններից մեկն է, որի մասին մի քանի դար վիճում են գիտնականները: