Սարկոզին բողոքել է Ֆրանսիայում չափազանց շատ օտարերկրացիներից

Ֆրանսիայի նախագահ Նիկոլա Սարկոզին հայտարարել է, որ իր երկիր ներգաղթողների քանակը մշտապես աճում է, սակայն նրանց ֆրանսիական հասարակություն ինտեգրելն ավելի ու ավելի բարդ է դառնում:

«Մեր իմիգրացիոն համակարգը ավելի ու ավելի վատ է աշխատում, քանի որ մեր տարածքում չափից շատ են օտարերկրացիները, և մենք այլևս չենք կարող ապաստան, աշխատատեղեր և դպրոցներ գտնել նրանց համար»,-Սարկոզիի խոսքերն է փոխանցում BBC-ի ռուսական ծառայությունը:

Ֆրանսիայի առաջնորդը միաժամանակ հաստատել է, որ ապրիլի 4-ին նախագահական ընտրություններում հաղթնակ տանելու դեպքում պատրաստվում է  իր երկիր ներգաղթողների քանակը կրկնակի կրճատել:

Սարկոզիի կարծիքով` ներգաղթը կարող է նպաստավոր լինել ֆրանսիական հասարակության համար, սակայն այն անհրաժեշտ է կրճատել` ավելի մեծ պահանջներ առաջադրելով նրանց, ովքեր ցանկանում են բնակության թույլտվություն ստանալ Ֆրանսիայում:

Սարկոզին միաժամանակ հայտարարել է Ֆրանսիայում 10 տարի ապրած, սակայն ընդամենը 5 տարի աշխատած միգրանտների նպաստը կրճատելու մտադրության մասին:

Հասարակական հարցումների արդյունքներով` Սարկոզիի վարկանիշն էապես զիջում է սոցիալիստական կուսակցության առաջնորդ Ֆրանսուա Օլանդին:

Սարկոզին ստիպված  է նաև «Ազգային ճակատ» ծայրահեղ աջական կուսակցության առաջնորդ Մարի Լե Պենի հետ պայքարել պահպանողականների ձայների համար: