Հիտլերի ծնողների գերեզմանը վերացրել են. այն ուխտագնացության վայր էր դարձել

Ավստրիական Լեոնդինգ քաղաքում վերացրել են Ֆաշիստական Գերմանիայի կանցլեր Ադոլֆ Հիտլերի ծնողների գերեզմանը, քանի որ նեոնացիստները այն ուխտագնացության վայր էին դարձրել, հաղորդում է ավստրիական ORF հեռուստառադիոընկերությունը: Գերեզմանաքարը վերացրել են մարտի 28-ին, Ալոիզ և Կլարա Հիտլերների աճյունների մնացորդների վերահուղարկավորում տեղի չի ունեցել:

Տեղական իշխանությունները գերեզմանի վերացման թույլտվություն են ստացել Հիտլերի բարեկամներից մեկի կողմից, ով իրավունք ուներ տնօրինել գերեզմանը:

Հիտլերի ծնողների գերեզմանը վերացնելու նախաձեռնությունը պատկանում է տեղի բնակիչներին, հակաֆաշիստական շարժումը, ինչպես նաև Մաութհաուզենի կոմիտե իրավապաշտպան կազմակերպությունը: Ինչպես բացատրել է հակաֆաշիստական շարժման ներկայացուցիչը, գերեզմանի վայրում վերջին շրջանում սկսել են հավաքվել Հիտլերի երկրպագուները, որոնք գերազմանի մոտ Երրորդ Ռեյխի խորհրդանիշներն էին թողնում:

Ալոիզ և Կլարա Հիտլերները մահացել են 1903 և 1907 թվականներին: Նրանք թաղվել են Լեոնդինգի գերեզմանատանը: Ադոլֆ Հիտլերն ապրել է ծնողների հետ այս քաղաքում 1898-1905 թվականներին: