Epress.am Լուրեր Հայաստանից
ԱԺ «Բարգավաճ Հայաստան» խմբակցության անդամ, «Սև հովազ» ջոկատի նախկին հրամանատար Ռուստամ Գասպարյանի (լուսանկարում) որդին՝ Ռոմա Գասպարյանը, երեկ ձերբակալվել է, գրում է «Ժողովուրդ» օրաթերթը՝ հղում կատարելով իր աղբյուրներին:
Թերթը նշում է, որ Ռոմա Գասպարյանը Երևանում անձի առևանգման հատկանիշներով հարուցված քրեական գործի շրջանակներում հետախուզման մեջ էր գտնվում դեռ ամառվանից: Առաջին ատյանի ընդհանուր իրավասության դատարանը Ռոմա Գասպարյանի նկատմամբ կալանքը որպես խափանման միջոց ընտրելու որոշում էր կայացրել, և ձերբակալությունից հետո նա միանգամից տեղափոխվել է կալանավայր։
Որդու ձերբակալման մասին մեկնաբանություններ թերթին պատգամավորից ստանալ չի հաջողվել:
Մանրամասները՝ թերթի այսօրվա համարում
Լուսանկարը՝ 168.am