Home / Հայաստան / Արագածոտնի նախկին մարզպետն ու իր եղբայրը մեղադրվում են հափշտակության մեջ

Արագածոտնի նախկին մարզպետն ու իր եղբայրը մեղադրվում են հափշտակության մեջ

Հայաստանի ԱԱԾ-ն ապացույցներ է ձեռք բերել  Արագածոտնի նախկին մարզպետ Սարգիս Սահակյանի և նրա եղբոր՝ նախկին հանրապետական պատգամավոր Նաիրի Սահակյանի կողմից առերևույթ չարաշահումներ կատարելու, ինչպես նաև նախնական համաձայնությամբ, խաբեության եղանակով առանձնապես խոշոր չափերով պետական միջոցների հափշտակություն կատարելու վերաբերյալ, հայտնել է ԱԱԾ-ն։ Նրանց նկատմամբ մեղադրանքներ են առաջադրվել Հայաստանի Քրեական օրենսգրքի համապատասխան  հոդվածներով։

Նույն գործի շրջանակներում պաշտոնեական լիազորությունները չարաշահելու և առանձնապես խոշոր չափերով խարդախությանն օժանդակելու կասկածանքով հարցաքննվել է նաև Կաքավաձոր համայնքի ղեկավարը, ով տվել է խոստովանական ցուցմունքներ:

Մասնավորապես՝ Արագածոտնի նախկին մարզպետը,  ի պաշտոնե տեղյակ լինելով Հյուսիս-հարավ միջանցքի շինարարության իրականացման ծրագրի մասին, որն անցնելու է նաև Մ-1 Երևան-Գյումրի-Վրաստանի սահման միջպետական նշանակության ավտոճանապարհով, այդ թվում՝ նաև Արագածոտնի մարզի Կաքավաձոր համայնքի վարչական տարածքով, անտեսել է կառավարության 2009 թ. օգոստոսի 6-ի որոշման պահանջները, այն է՝ «Հյուսիս-հարավ միջանցքի շինարարության իրականացման նպատակով՝ հանձնարարել ՀՀ համապատասխան մարզպետներին և առաջարկել համայնքի ղեկավարներին կասեցնել Մ-1 Երևան-Գյումրի-Վրաստանի սահման և միջպետական նշանակության ավտոմոբիլային ճանապարհների պաշտպանական գոտիներում և օտարման շերտերում շինարարության իրականացման և հողահատկացման գործընթացը»

Tekali Taxi