Բրազիլիան հրաժարվել է ռուսական պատվաստանյութից

Բրազիլիայի սանիտարական վերահսկողության ազգային գործակալությունը (Anvisa) հրաժարվել է թույլատրել ռուսական Sputnik V պատվաստանյութի ներկրումը։ Reuters-ի հաղորդմամբ՝ դեմ են քվեարկել կառույցի տնօրենների խորհրդի բոլոր 5 անդամները։

Պատճառն, Anvisa-ի պնդմամբ, պատվաստանյութին «բնորոշ ռիսկերն» ու «լուրջ թերություններն» են։

Կառույցի կենսաբանական արտադրանքի գծով ղեկավար Գուստավո Մենդեշի պնդմամբ՝ հիմնական խնդիրը պատվաստանյութում ադենովիրուսի առկայությունն է, որը վերարտադրվելու հատկություն ունի։

Ռուսական ուղիղ ներդրումների հիմնադրամը ժխտել է Anvisa-ի հայտարարությունները, պնդելով, որ պատվաստանյութի անվտանգությունն ու արդյունավետությունը հաստատվել 61 երկրների վերահսկող մարմինների կողմից, որոնք այն կիրառելու թույլտվություն են տվել։

Sputnik V-ի ստեղծողները կարծում են, որ Anvisa-ի որոշումը կայացվել է քաղաքական պատճառներով։

Ռուսական Sputnik V պատվաստանյութն արդեն իսկ կիրառվում է մի շարք երկրներում, սայդ թվում՝ Հայաստանում։ Եվրոպական դեղամիջոցների գործակալությունը դեռևս չի թույլտվություն չի տվել Sputnik-ի կիրառման համար։ Ակնկալվում է, որ կառույցն իր որոշումը կհրապարակի մայիս-հունիս ամիսներին։