Գեորգի Վանյանի հոգեհանգիստը տեղի կունենա հոկտեմբերի 18-ին Երևանում

Խաղաղարար Գեորգի Վանյանի հոգեհանգիստը տեղի կունենա հոկտեմբերի 18 -ին ժամը 17:00-ից 20:00-ն «Զոլեր» սգո սրահում՝ Երևանի Շահումյան գերեզմանատան ճանապարհին՝ Գ. Հասրաթյան 25/3 հասցեում:

Հուղարկավորությունը՝ մյուս օրը 13։00-ից։

Իրավապաշտպան, Թեքալիի գործընթացի նախաձեռնող Գեորգի Վանյանը 58 տարեկան էր։ Հոկտեմբերի 9-ին՝ քովիդ ախտորոշմամբ, նա հոսպիտալացվել էր Թբիլիսիի հիվանդանոց։ Գրեթե անմիջապես՝ հայտնվել վերակենդանացման բաժանմունքում։ Վանյանը վերջին տարիներին ապրում էր Տավուշի մարզի սահմանամերձ Ներքին Ծաղկավան գյուղում, Թբիլիսի էր գնացել մի քանի օրով։