Home / Համայնքներ / ՔՊ-ն դեմ է Մարությանին՝ արդեն բացեիբաց

ՔՊ-ն դեմ է Մարությանին՝ արդեն բացեիբաց

Երևանի ավագանու «Իմ Քայլը» խմբակցությունն անվստահության գործընթաց է սկսում քաղաքապետ Հայկ Մարությանի նկատմամբ։

«Անհրաժեշտ 33 ստորագրությունից ավելին՝ նախնական տվյալներով 39-ն արդեն կա», – «Ազատությանը» փոխանցել է «Իմ Քայլի» անդամ Արմեն Կոտոլյանը՝ հավելելով, որ ինքը ևս ստորագրողների թվում է։

Որոշման պատճառները պաշտոնյան չի մանրամասնել, նշելով, որ խմբակցությունն իր հիմնավորումներն ավելի ուշ կներկայացնի։

Դեկտեմբերի 13-ին «Հայկական Ժամանակ» թերթը հրապարակել էր անանուն մի հոդված, որում Մարությանին մեղադրում էր «հեղափոխությունից շեղվելու», գեներալների և Ռոբերտ Քոչարյանի հետ հանդիպումներ ունենալու մեջ։ Նույն օրը Երևանում գործադուլ էին սկսել (քաղաքապետարանի ենթակայությամբ աշխատող) ավտոբուսների վարորդները։