Մենք ստիպված ենք կռվել․ Երևանում Ուկրաինայի դեսպան

Հայաստանում Ուկրաինայի գործերի ժամանակավոր հավատարմատար Դենիս Ավտոնոմովը հայաստանցի լրագրողների հետ հանդիպմանը խոսել է Ուկրաինայում տիրող իրավիճակի, հայ համայնքի գործողությունների, Ռուսաստանի կողմից ներկայացվող վերջնագրերի մասին։

– Ձեր կամ ձեր ծանոթներն Ուկրաինայում ընկերներ կամ բարեկամներ կունենան․ զանգահարեք նրանց, հարցրեք՝ ինչպե՞ս է Ռուսաստանը «ապաազգայնականացնում» Ուկրաինան։

– Որևէ փոխզիջում հարկավոր է, բայց կապիտուլյացիա չի լինելու։

– Իմ տեղեկություններով՝ բանակցությունների նպատակն իրագործված չէ․ դրանք կշարունակվեն։

– Հայաստանն այժմ դիրքորոշում չի հայտնում, այնուամենայնիվ, երեկ ՄԱԿ-ի մարդու իրավունքների խորհրդի նիստում քննարկվում էր Ուկրաինայում ստեղծված իրավիճակի հարցը բարձրացնել Ժնևում 49-րդ նստաշրջանում։ խորհրդի 47 անդամներից կողմ են քվեարկել 29-ը, 5-ը՝ դեմ, 13-ը՝ ձեռնպահ, այդ թվում՝ Հայաստանը։ Դեմ են քվեարկել Ռուսաստանը, Չինաստանը, Վենեսուելան, Կուբան և Էրիթրեան։ Սա վերջին տարիների ընթացքում առաջին դեպքն է, երբ Հայաստանը չի աջակցել Ռուսաստանին։

– Ինչպես իմ հայ ընկերն էր ասում․ հայերը միայն Կովկասում չեն, Հայաստանը աշխարհի բոլոր հայերն են։ Այդ թվում՝ Ուկրաինայի հայերը։ [Ուկրաինայում] հայերը տարածքային պաշտպանության զորամասերին են միանում, հայերն օգնում են ուկրաինական բանակին։ Դեսպանատան Ֆեյսբուքի էջում մենք հրապարակումներ ենք անում՝ ինչպես են հայերն օգնում թոշակառուներին․․․

– Հավաստիացնում եմ ձեզ, մենք համագործակցում ենք Հայաստանի բոլոր այն ուժերի հետ, որոնք աջակցում են մեզ։

– Բանակցությունները միշտ են պետք։ Բայց այն, ինչը երեկ Ռուսաստանի նախագահն ասել էր Ֆրանսիայի նախագահին, և այն, ինչն ասվել էր ՄԱԿ-ում Ռուսաստանի դեսպանի կողմից, նույն վերջնագիրն է <․․․>՝ ապանացիֆիկացիա, ապառազմականացում, ՆԱՏՕ և ԵՄ մտնելու ծրագրերից հրաժարում, Ուկրաինայի չեզոք կարգավիճակ։

– Մեր դիրքորոշումն է՝ կրակի դադարեցում և զորքերի ետքաշում։ Իսկ մեզ վերջնագիր են ներկայացնում։ Մեզ միայն կռվելն է մնում։