Epress.am Լուրեր Հայաստանից
ՀՀ վարչապետ Տիգրան Սարգսյանը Facebook-ի իր էջում անդրադարձել է տեսահոլովակին, որում ինքը շնորհավորում է երիտասարդներին համաշխարհային օրվա կապակցությամբ: Տեսահոլովակը բուռն քննարկումների առիթ է դարձել սոցիալական ցանցերում` արժանանալով բազմաթիվ մեկնաբանությունների: Տեսահոլովակը քննարկողների կարծիքով` վարչապետը հարբած է:
Ինքը` Տիգրան Սարգսյանը, խոստովանել է, որ իր մասնակցությամբ տեսահոլովակն իրեն էլ է զվարճացրել:
«Բարեկամներ,
Ես հասկացել եմ, որ ձեզնից շատերին զվարճացրել է ձայնային խոտանով տեսահոլովակը, որը նկարահանվել և տարածվել էր Հ1-ի կողմից` մարզահամերգային համալիրից: Եվ այդ ձայնային խոտանն այսօր փորձում են ներկայացնել իբր իմ հարբած լինելու ապացույց:
Ես նույնպես դիտել եմ այդ հոլովակը և, անկեղծ ասած, այն ինձ ևս զվարճացրեց», – ֆեյսբուքյան իր էջում գրել է վարչապետը: