Ռունին կոտրել է իր 9-ամյա երկրպագուի ձեռքը

Անգլիական «Մանչեսթեր Յունայթեդ» ակումբի հարձակվող Ուեյն Ռունին կոտրել է իր 9-ամյա երկրպագուի ձեռքը: Միջադեպը տեղի է ունեցել մարզման ժամանակ:

Ֆուտբոլիստն իր թիմի հետ հարվածներ էր փորձարկում: Մարզումների ժամանակ ինչ-որ պահի գնդակներից մեկը շեղ է ընթացել և դիպչել է երեխային` կոտրելով վերջինիս ձեռքը:

Միջադեպը տեղի է ունեցել անգլիական Պրեմիեր լիգայի 29-րդ տուրում «Վուլվերհեմփթոնի» հետ խաղից առաջ, որի արդյունքում Ռունիի թիմը հաղթել էր 5:0 հաշվով: Հանդիպումը կայացավ մարտի 18-ին, սակայն դաշտում Ռունին այդպես էլ աչքի չընկավ:

Daily Mail-ի փոխանցմամբ` Ռունին ներողություն է խնդրել տղայից` հիվանդանոց ուղարկելով իր ստորագրությամբ մարզաշապիկ: