Հայաստանում աճում են հանցագործությունները. նախկին վարչապետը տնտեսության մասին

Համաձայն պաշտոնական վիճակագրության 2008 թվականից մինչև 2010 թվականը գներն աճել են 23.3 տոկոս, այդ թվում` պարենամթերքը` 44 տոկոս: Փետրվարի 18-ի հանրահավաքին հնչեցրած իր ելությում ՀՀ նախկին վարչապետ Հրանտ Բարգրատյանը խոսել է վերջին երեք տարիների ընթացքում Հայաստանի տնտեսական վիճակի մասին:

«Նվազագույն աշխատավարձը բարձրացրել են 8 տոկոսով` 30000-ից դարձել է 32000 դրամ: 2008-2010 թվին 2.5 անգամ ավելացել է պետության արտաքին պարտքը, իսկ էդ պարտքը սպասարկելու տարեկան ծախսերն ավելացել են է 5 անգամ, մինչդեռ արդեն մյուս տարվանից այն կմոտենա ու կգերազանցի բանակին տրվող գումարները` այ քեզ Ղարաբաղ: Էդ պարտքը որ վերցրել են` մոտ 2 միլիարդ դոլար (խոսքը Ռուսաստանից ստացված վարկի մասին է – Epress.am), բերեին բառի բուն իմաստով մտցնեին ՀՆԱ-ի մեջ, կլիներ աճ 10 տոկոսով: Բայց չէ, իրենք ծրագիր ունեին, ու ծախսել էին այդ ծրագրով: 3 տարվա ընթացքում գյուղմթերքների արտադրությունը պակասել է 15 տոկոս, չմշակվող վարելահողերը կրկնապատկվել են ավելի քան 150 հազար հեկտար. մենք ընդամենը 400 հազար հեկտար վարելահող ունենք: Սերժ Սարգսյանն ասում էր` բյուջեն կդարձնենք 4 միլիարդ դոլար, 3 տարի ա աշխատում ա, մինչև 2.5 միլիարդ դոլարից իջել է ուղիղ 2 միլարդ դոլարի, իրանց թվերն են, ես չէի համարձակվի այս թվերն ասելու: 2010-ին Հայաստանում միջին աշխատավարձը ամենացածրն էր` 280 դոլար, Վրաստան` 318, Ադրբեջան` 400: 1996-ին Հայաստանում միջին աշխատավարձը 1.7 անգամ ավել էր, քան Վրաստանում, և 1.2 անգամ ավել, քան Ադրբեջանում», – հայտարարել է Բագրատյանը:

Բագրատյանի խոսքով` բնակչության մեկ շնչին ընկնող կապիտալի արտահանմամբ, որը կազմում է 490 դոլար, Հայաստանն աշխարհում գրավում է 7-րդ տեղը: 3 տարում, ըստ պաշտոնական թվերի, Հայաստանը լքել է 118 հազար 100 մարդ կամ բնակչության 3.5 տոկոսը:

«3 տարում իրավախախտումներն ավելացել են 2 անգամ` 7000 հանցագործությունից տարեկան 14000-ի հասել հանցագործությունների թիվը, հատկապես` ալկոհոլիզմը: Ոնց որ ասում են` «Սերժ սպայիվայետ նառոդ»: Էս ա էդ մարդու աշխատանքը երեք տարվա, սենց ա աշխատում ինքը», – նշել է Բագրատյանը: