«Առավոտ». Բուհերի մոտ ոստիկանությունը հսկողություն էր սահմանել

Երեկ մայրաքաղաքի բուհերի տարածքներում հսկողություն էին իրականացնում ոստիկանության 2-ական աշխատակից` 2-ական մեքենաներով, գրում է օրաթերթը:

Նրանք ուշադրություն էին դարձնում կայանված մեքենաներին և նաև հորդորում էին չխմբվել մուտքի մոտ: Պատճառը, հավանաբար, նախորդ օրը Ժողինստիտուտում զինված ուսանողի կողմից հնչած կրակոցն էր, որը, բարեբախտաբար, մարդկային զոհերով չավարտվեց: