«Չորրորդ ինքնիշխանություն». Գլխավոր շտաբի պետի դիրքերը թուլանում են

ՀՀ Պաշտպանության նախարարության մոտ կանգնած «ՉԻ» աղբյուրները տեղեկացնում են, որ հայոց բանակի գլխավոր շտաբի պետ Յուրի Խաչատուրովի դիրքերը բանակում սկսել են թուլանալ:

Նա առաջվա ազդեցությունը չունի բանակի բարձրաստիճան սպաների վրա: Եվ չի բացառվում, որ հենց այս հանգամանքով է պայմանավորված Խաչատուրովի որդու գրած հրաժարականը` բանակային N կորպուսի հրամանատարի տեղակալի պաշտոնից:

Խաչատուրովին փաստացի մեկուսացնելու նախաձեռնությունը ՀՀ պաշտպանության նախարար Սեյրան Օհանյանինն է, քանի որ նա բանակում տեղի ունեցող խայտառակ սկանդալների պատճառը փնտրում է հենց Խաչատուրովի մեջ: Ամեն անգամ, երբ Սեյրան Օհանյանը լսում է, որ Յուրի Խաչատուրովը հերթական անգամ մտել է խաղատուն և մի կլորիկ գումար տանուկ տվել, բարկանում է ու ասում, թե «այ դրա համար էլ խայտառակ ենք լինում»: Հիմա նա Խաչատուրովի շատ պարտականություններ դրել է իր այլ ենթակաների վրա` դրանով փորձելով բանակում տիրող իրավիճակը վերահսկել: