Epress.am Լուրեր Հայաստանից
Վրաստանի իշխանությունները, լրացուցիչ հարկեր ներմուծելով, ժողովրդին ապստամբության են դրդում: Այս մասին հայտարարել է Վրաստանի նախկին նախագահ Էդուարդ Շևարդնաձեն` մեկնաբանելով ջրի և տրանսպորտային վճարի բարձրացման մասին որոշումը:
«Այսպիսի չմտածված որոշումները ոչ միայն անհանգստություններ կառաջացնեն, այլև կարող են հեղափոխության հանգեցնել, քանի որ առանց այն էլ աղքատացած ժողովուրդը միանգամից փողոց դուրս կգա»,- ասել է Վրաստանի նախկին նախագահը:
Շևարդնաձեն այն կարծիքին է, որ ժողովուրդը «ուղղակի չի կարող դիմանալ» մթերքի և տրանսպորտի գների բարձրացմանը:
«Ժողովուրդն առանց այն էլ հազիվ է գոյատևում և բարոյապես լրիվ պատրաստ է փողոց դուրս գալ»,- նշել է Շևարդնաձեն: