Epress.am Լուրեր Հայաստանից
«Առավոտ» օրաթերթի հետ զրույցում ԼՂՀ նախագահի մամուլի խոսնակ Դավիթ Բաբայանը կարծիք է հայտնել, թե երբ Կիպրոսը կարող է ճանաչել Արցախի անկախությունը:
«Իհարկե, ցանկալի կլիներ, բայց չեմ կարծում, որ Կիպրոսը ճանաչի, այն էլ` առաջինը, Արցախի անկախությունը, որովհետև այստեղ կան մի շարք խնդիրներ: Կիպրոսը ԵՄ անդամ երկիր է և իր գործունեության մեջ պետք է առաջնորդվի ԵՄ կողմից շարադրված կանոնների համաձայն: Կարծում եմ, Կիպրոսը միայն մեկ դեպքում կգնա այդպիսի քայլի` եթե Ադրբեջանը ճանաչի Հյուսիսային Կիպրոսի անկախությունը: Այդ ժամանակ Կիպրոսի Հանրապետությունն անմիջապես կճանաչի Արցախի անկախությունը` որպես նմանատիպ մի քայլ»,- պատասխանելով «Առավոտի» հարցին` կիսո՞ւմ է որոշ վերլուծաբանների կարծիքը, թե հարմար պահի Կիպրոսը կլինի այն երկիրը, որը կճանաչի Լեռնային Ղարաբաղի անկախությունը, ասել է Դավիթ Բաբայանը: