Home / Հայաստան / Քադաֆին ներդրումներ է ակնկալում Ռուսաստանից

Քադաֆին ներդրումներ է ակնկալում Ռուսաստանից

Լիբիայի առաջնորդ Մուամար Քադաֆին կոչ է արել Ռուսաստանին, Չինաստանին և Հնդկաստանին գումարներ ներդնել լիբիական նավթային արդյունաբերության մեջ: Քադաֆին նման առաջարկով է հանդես եկել երեք երկրների դեսպանների հետ հանդիպման ընթացքում:

«Դեսպանների հետ զրույցի ընթացքում կոչ է արվել այս երկրների նավթային ընկերություններին գումար ներդնել լիբիական նավթային արդյունաբերության մեջ»,-հաղորդում է РБК-ն` հղում կատարելով լիբիական հեռուստաալիքին:

Երկրի նավթային արդյունաբերությունը շարունակում է փլուզվել, ինչի պատճառը շուրջ մեկ ամիս շարունակ ընթացող քաղաքացիական պատերազմն է: Նավթային կայանները սպասարկող աշխատակիցների պակաս է զգացվում, բացասական ազդեցություն են թողնում նաև Լիբիայի նկատմամբ կիրառված միջազգային պատժամիջոցները:

Լիբիաйи իշխանությունը կոչ 1 անում արտասահմանյան ընկերություններին բեռնատար նավեր մոտեցնել Լիբիայի սահմանին` նավթի բեռնման համար:

Նավթային ընկերությունների աշխատակիցներին խնդրում են վերադառնալ աշխատավայր և աշխատանքի անցնել:

Ներկայումս Ռուսաստանն ու Չինաստանը դեմ են հանդես գալիս Լիբիայի օդային սահմանները փակելու գաղափարին:

Միևնույն ժամանակ, Լիբիայում ռազմական գործողությունները չեն դադարում:

ՄԱԿ-ի Անվտանգության խորհուրդը և Եվրամիությունը Մուամար Քադաֆիի ռեժիմի դեմ տնտեսական պատժամիջոցներ են կիրառել և կալանք են դրել նրա ակտիվների վրա: