Epress.am Լուրեր Հայաստանից
Ցածր վարձատրվող կամ կարճաժամկետ աշխատանքը մարդու առողջության վրա կարող է նույնչափ բացասաբար անդրադառնալ, որքան գործազրկությունը, պարզել են Ավստրալիայի Կանբերայի համալսարանի գիտնականները:
Հետազոտությանը մասնակցած աշխատունակ տարիքի 7 հազար մարդկանց հոգեբանական վիճակը գնահատվում էր նախապես հաստատված հատուկ հարցացուցակի համաձայն, որը թույլ էր տալիս բացահայտել մարդկանց մոտ առկա սթրեսների տարբեր տեսակները: Հետազոտվողներին նաև խնդրել են պատմել իրենց ծառայողական կարգավիճակի և այն մասին, թե արդյոք համարում են, որ բավարար գումար են ստանում կատարած աշխատանքի դիմաց:
Պարզվել է, որ գործազուրկ մարդիկ ընդհանուր առմամբ ավելի վատ հոգեբանական վիճակում են գտնվում, քան աշխատողները, ինչը, իհարկե, սպասելի էր: Սակայն գործազուրկների հոգեվիճակը բարելավվում էր, հենց որ նրանք աշխատանք էին գտնում: Իսկ երբ ուշադրությունը է դարձվել նաև այնպիսի գործոնների վրա, ինչպիսիք են` կրթվածության մակարդակը և ընտանեկան կարգավիճակը, պարզվել է, որ գործազուրկների հոգեբանական վիճակն ավելի կայուն է, քան «ցածր վարձատրվողներինը», կամ «ցածրորակաշխատանք» կատարողներինը:
Գիտնականները պարզել են նաև, որ գործազրկությունից հետո անմիջապես լավ աշխատանքի անցնելը բարելավում է մարդու հոգեվիճակը մոտ 3 բալով:
Իսկ «ցածրորակ» աշխատանքը ավելի կործանարար է հոգեկան աշխարհի համար, քան երկարատև գործազրկությունը: