Epress.am Լուրեր Հայաստանից
«Սարդարապատ» շարժումը հայտնել է, որ սատարում է երեկ` մարտի 15-ին, «Ժառանգություն» կուսակցության առաջնորդ Րաֆֆի Հովհաննիսյանի հացադուլ հայտարարելու քայլը:
«Րաֆֆի Հովհաննիսյանը իշխող վարչակարգի դեմ համաժողովրդական պայքարի ջահը գրասենյակներից և Մատենադարանից տեղափոխեց Ազատության հրապարակ: Սատարում ենք Րաֆֆի Հովհաննիսյանի վճռական և խիզախ այս քայլը, որը կարող է դառնալ ռեժիմից ազատագրվելու և հայ ժողովրդի միասնության ու համախմբման իրական սկիզբ»,- ասված է «Սարդարապատի» հայտարարության մեջ: