Home / Հայաստան / Թբիլիսիի հայկական դպրոցում տեղադրված «ռումբը» ուսուցողական նռնակ է եղել

Թբիլիսիի հայկական դպրոցում տեղադրված «ռումբը» ուսուցողական նռնակ է եղել

Ոստիկանությունը ավարտել է Թբիլիսիի Չոլոկաշվիլի փողոցում գտնվող թիվ 95 դպրոցի շենքում պայթուցիկ սարքի վնասազերծմանն ուղված աշխատանքները: Հետազոտությունից հետո պարզվել է, որ պայթուցիկը ընդամենը ուսուցողական նռնակ է: Նռնակը հայտնաբերել է դպրոցի պահակը:

Տեղում աշխատող ոստիկանները հայտարարել են, որ նռնակը ուսուցողական է, և իրենից վտանգ չի ներկայացնում:

Ուժայինների ներկայացուցիչներն արդեն լքել են միջադեպի վայրը:

Ինչպես հայտարարել է պահակ Ավտո Չալաձեն, նռնակը հայտնաբերվել է այսօր առավոտյան աշխատասենյակներից մեկում: Այնուհետև նա դուրս է բերել նռնակը, և դրել է փողոցում գետնին: Ոստիկաններին կանչել են անցորդները, որոնց փողոցում գցված առարկան կասկածելի է թվացել:

Դպրոցի նախորդ տնօրենի տվյալների համաձայն, 95-րդ դպրոցը փակվել էր կրթության նախարարության կողմից օգոստոսի 11-ին և միացվել 81-րդին: Տնօրենի խոսքով` «հաստատությունից դուրս են բերվել բոլոր իրերը, սակայն, ինչպես պարզվել է, ռազմական ամբիոնի որոշ իրեր դեռ մնացել են հաստատությունում»: