Գյուղացիները փակել են մարզպետի ճանապարհը ՀՀ նախագահի եղբոր պատճառով

Երեկ Եղեգնաձորի Շատիյն գյուղի բնակիչները փակել են Վայոց Ձորի մարզպետ Սերգեյ Բագրատյանի ճանապարհը, տեղեկացնում է «Հայկական ժամանակ» օրաթերթը.

«Գյուղի բնակիչները փոխանցեցին, որ Սերժ Սարգսյանի եղբայրը` ԱԺ պատգամավոր Սաշիկ Սարգսյանը, ցանկանում է Արփա գետի Եղեգիս վտակի վրա ՀԷԿ կառուցել, ինչի արդյունքում շրջակա մի քանի գյուղեր զրկվելու են ոռոգման ջրից: Մարզպետը զրուցել է գյուղացիների հետ և ասել, թե մի քանի օրից կհանդիպեն, հարցը նորից կքննարկեն: Նշենք, որ տարիներ առաջ էլ նույն տեղում ՀԷԿ է ցանկացել կառուցել ԱԺ ՀՀԿ-ական պատգամավոր Հերմինե Նաղդալյանը: Գյուղացիների պայքարի արդյունքում, սակայն, Նաղդալյանի այդ բիզնես պրոյեկտը տապալվել է»: