Ընդդիմությունը մտավ Ազատության հրապարակ (թարմացված)

20:31 ՀՀՇ վարչության ղեկավար Արամ Մանուկյանը և դերասան Երվանդ Մանարյանը պարում են բեմահարթակի վրա:

20:20 Ընդդիմության համակիրները վանկարկում են “Լևոն, նախագահ”, “Սերժիկ, հեռացիր”, “Հիմա, հիմա”, “Ազատ, անկախ Հայաստան”:

20:12 Մինչ ընդդիմության ներկայացուցիչները բեմ են պատրաստում Տեր-Պետրոսյանի ելույթի համար, հավաքված մարդիկ հայրենասիրական երգեր են երգում, մասնավորապես “Արաբո”-ն և “Զարտնիր, լաո”-ն:

19:53 Ընդդիմության ներկայացուցիչները բեմ են պատրաստում Լևոն Տեր-Պետրոսյանի ելույթի համար:

19:41 Ոստիկանները բացեցին Ազատության հրապարակի մուտքերը: Ժողովուրդը մտնում է Ազատության հրապարակ:

19:38 Լևոն Զուրաբյանը բանակցում է Սաշիկ Աֆյանի հետ:

19:30 Կոնգրեսի աջակիցների երթն առաջնորդում են ՀԱԿ համակարգող Լևոն Զուրաբյանը, Լևոն Տեր-Պետրոսյանի խոսնակ Արման Մուսինյանը, ՀԱԿ անդամներ Դավիթ Շահնազարյանը, Արթուր Քոչարյանը: Նրանցից մի փոքր ավելի հետ քայլում է Լևոն Տեր-Պետրոսյանը:

19:28 Հայ Ազգային Կոնգրեսի հանրահավաքին հավաքված հազարավոր մարդիկ Մատենադարանից շարժվում են դեպի Ազատության հրապարակ: Ինչպես ավելի վաղ տեղեկացրել է ՀԱԿ համակարգող Լևոն Զուրաբյանը, հենց այնտեղ է հնչեցվելու Լևոն Տեր-Պետրոսյանի ելույթը: