Home / Հայաստան / Ֆրանսիայում հայ քահանային ձերբակալել են հայերի տեղեկությունների հիման վրա

Ֆրանսիայում հայ քահանային ձերբակալել են հայերի տեղեկությունների հիման վրա

Տևական ժամանակ է, որ Ֆրանսիայի Նիցցա քաղաքի հայ համայնքում շարունակվում են ներհամայնքային անհամաձայնություններն ու խնդիրները, գրում է «Հրապարակ» օրաթերթը:

«Նիցցայի հայ համայնքի ներկայացուցիչներն ասում են, որ համայնքային խնդիրները հրահրվում են մի քանի անձանց կողմից: Անցնող շաբաթ ոստիկանությունը, հիմնվելով որոշ անձանց հաղորդած տեղեկությունների վրա, թե տեղի հոգևոր հովիվը կապեր ունի ռուսական մաֆիայի հետ, ձերբակալել էր տեր Վաչե քահանային և խուզարկել նրա տունը: Ոստիկանները պարզել են, որ հաղորդումը կեղծ է և զրպարտանք, ուստի ազատ են արձակել տեր Վաչեին: Ընդ որում` քահանայի դեմ կեղծ մեղադրանք ներկայացնողները հայեր են»: